காவிரி நீரைத் திறக்க கர்நாடகாவுக்கு உத்தரவு

டெல்லியில் நடைபெற்ற காவிரி மேலாண்மை ஆணையக் கூட்டத்தில், அடுத்த 15 நாள்களுக்கு தினமும் 12,000 கனஅடி நீர் திறக்க கர்நாடகாவுக்கு உத்தரவிடப்பட்டது. ஜூலை 28-ல் 3,500 கனஅடி திறக்கச் சொன்னாலும் கர்நாடகா நீர் திறக்கவில்லை. உச்ச நீதிமன்றத் தீர்ப்பின்படி ஜூன்-ஆகஸ்ட் மாத நீரை கர்நாடகா முறையாக வழங்கவில்லை என தமிழகம் தெரிவித்தது. நான்கு அணைகளில் 77.746 டிஎம்சி மட்டுமே உள்ளதால் முழு நீரையும் திறக்க இயலாது என கர்நாடகா தெரிவித்தது. ஆகஸ்ட் 13 காலை 8 மணி முதல் பிலிகுண்டுலுவில் தமிழக நீரோட்டத்தை உறுதிசெய்யப் பரிந்துரைக்கப்பட்டது.